Breves biografías e bibliografías dos autores homenaxeados nas letras galegas entre 11963 e 2020

elaquí o que sobre el di o propio autor, Héitor K-Rapucho Picallo:

"Nel recóllense as 60 biografías e caricaturas das persoas, até hoxe, homenaxeadas co 17 maio. A estrutura dos contidos destinados a cada autor ou autora son claros: nome e apelidos, ano no que se lle concede o Día das Letras, extracto dun poema emblemático ou texto significativo, biografía, datas de nacemento e defunción, obras máis relevantes e un apartado denominado ars memoriae. Nesa sección ofrécense as claves para interpretar a caricatura e tirar varios datos da vida e/ou obra das figuras máis senlleiras da escrita galega.

As imaxes, sen retoques dixitais, elabóranse en acuarela e tinta chinesa, aínda que nalgunhas se bote man, asemade, de materiais de refugallo (recortes de xornal; madeiras de castiñeiro, piñeiro ou cedro; teas de tapizar...)."

"A obra, editada a toda cor, en formato superior ao A4, elaborada en papel satinado e cubertas duras, baixo o noso punto de vista representa algo do que -como autor- me teño que sentir ben orgulloso. Mais quizais resulte recomendábel que, no canto de falarmos nós, que acheguen as súas reflexións aquelas persoas que o teñen consultado ou analizado, for Pilar Sampedro ou Ramón Nicolás, for María Couceiro ou for Emma Pedreira.Ramón Nicolás, dende o Caderno da Crítica, indica:"Non dubido que esta nova achega de Picallo supón un paso adiante no ámbito da iconografía destes sesenta nomes propios que constitúen unha parte substancial do noso patrimonio literario cultural, sen esquecer a súa inequívoca utilidade en diversos ámbitos didácticos. Unha proposta, en fin, coidada e meritoria que cómpre apoiar e difundir"."

3º-4º Primaria